Бабочити Руслан

 

О, мæ хуæртæ, ме'нсувæртæ,
О, мæ уммæ - джамагъат,
Еунæг Хуцау уин уæ зæрдæ
Ниррохс кæнæд парахат!

рфестæг æнцæ дуйнемæ
Нæ Хъурбантæ - нæ Байрам.
Арфæгæнгæй, кæрæдземæн
Ӕрвететæ уæ салам!

Пахампарти рагон фидæ,
Сугъзæрийнæ Ибрæгим,
Еунæг Хуцау ин æ цитæ

Ниффедар кæнæд, æ Дин!

 

Бакастæй ин е æ коммæ,

Е нæфехалдта æ нет...

Ракорæн ин рохс цæсгомæй.

Не 'сфæлдесæгæй дзенет!

Ниццæй каенæн нард косæрттæ,

Нæхеуæнтти æрхонæн.

Иссæковæн нæ хæдзæртти,

Ка нæ равардта, Уомаен!

Ес мæгуртæ, гъулæггагæн,

Ес седзæртæ, сæйгæ ка'й,-

Ма фæккæнæн хъурмайнагæй

Еунæгей дæр æнæхай!

Хатир кæнун устур мулк æй,

Устур хуарз æй гæдзи дæр,

Кæрæдзебæл, цæй, идзулгæ

Фæццийнæ кæнæн хъæбæр!

 

 

 

Еунæгæма намбал Дæ,
Нæ Дæмæ ес неци фау.
Субханæху уæ тæгъалæ,
Арази Ди ан, Хуцау!

Дау аккаг куд уæн æноси

Ӕд гъуддæгтæ ма æд Дин,

Уæхæн нивæ нин Дæ бози

Исхъабил кæнæ, Амин!