Алли адæймаг дæр æ райгурунæй æ рамæлунмæ фæййархайуй е’мхузон адæми астæу рæсугъдæй, кадгинæй, уарзонæй бацæрунбæл, æ фæсте рæсугъд имисуйнæгтæ ниууадзунбæл. Уæхæн адæймаг адтæй Дадтети – Рæмонти Оля.

Зæнхæбæл æнæмæлгæ уод Хуцау нæ равардта, фал царди берæ зинтæ бавзарæг æма уотемæй дæр адæймаги хуæздæр менеугутæ кæронмæ рахæссæгбæл ба адæми зæрдитæ хъæбæрдæр фæрресунцæ. Оля 4-анздзудæй седзæрæй байзадæй, фондз сувæллоней мадæ æвваст рамардæй. Тугъд ку райдæдта, уæдта син сæ фиди тугъдмæ рарвистонцæ, ма е дæр тугъди фесавдæй. Фондз сувæллони фиди уоси къохи байзадæнцæ. Уотемæй ирæзтæй Оля, ма косун гъон ку рацæй, уæдта гъæди сог æркæниуонцæ май Дигорай рауæйæ кæниуонцæ. Уотемæй сæхе хастонцæ. Цæхуæн сувæллони цард фæууидта, е бæрæг адтæй.

Уæдта æрцудæй киндзи Дадтети муггагмæ, ма си æ нивæн дзæбæх æфсинæ разиндтæй, ма ин хъæбæр дзæбæх лæдæрдтæй, кутемæй исирæзтæй, уой. Оля адтæй косагæ, ма Дадтети хæдзари райдæдта хъиамæт кæнун, цард аразун. Уæхæн зæрди хатти хецау адтæй, ма алкæмæйдæр боз уидæ, алцæмæйдæр. Мугкаги æхсæн адтæй кадгин хестæр. Æ бийнонти хуарздзийнадæй æ берæ зинтæ дæр байронхæй, æ сувæллæндтæ ку байрæзтæнцæ, ма си алкедæр надбæл ку исæвардта, уæд игъæлдзæгæй цардæй сæ хуарздзийнæдтæй.

Фал æ зæруай ба ибæл æрцудæй устур зин. Æваст æ рази æ бæдоли зæрдæ фæллæудтæй, ма ин еци бæлах ба æ къæхтæ ракъуæрдта.

Фал уæддæр æ бийнонтæмæ æ фæлмæн дзурд нæ ниууагъта. Æхе бабæй косунбæл фæккодта, еунæг бон дæр æнæ косгæй некæд адтæй, бадун нæ зудта.

Рохсаг уо, нæ уарзон мадæ, нана, æфсийнæ, сугъзæринæ адæймаг. Рохс дзенет уæд дæ бунат.

Бийнонтæ игъосун кæнунцæ Дадтети Оляй 40 боней кæндæ ке уодзæнæй 13 августи, сабати.

Бийнонти номæй.