Лæгæн фæууй еунæг царди барæ æма æй рæсугъдæй бацæрунбæл фæййархайуй. Алли бон дæр си йе ʹвæрæнтæмæ архайуй ести хуарздзийнадæ бахæссунбæл. Куд цæугæ фæццæунцæ æ æнзтæ, уотæ æхецæн æривæруй цидæр фæндонтæ æма нисæнттæ, цæмæдæрти фæббæллуй, исбæрæг кæнуй æ идарддæри царди фæндæгтæ. Ма сæбæл цæун райдайуй, æхсæнади медæгæ аккаг бунат нийахæссунбæл фæйархайуй. Еуемæн бантæсуй искæнун æхецæн устурдæр кадæ, адæми арфæй хайгин исуй æ рæсугъд уоди конд æма фæлмæн зæрди фæрци. Уæхæн адæм сæ фæсте дæр ниууадзунцæ рæсугъд имисуйнæгтæ. Еци адæнмæ хаст цæуй Химилонти Анатолий Агубей фурт дæр.

         Химилонти Анатолий райгурдæй 1962 анзи 10 январи. Æ сувæллонæй исбайлæгъ уни уæнгæ адтæй бафæнзуйнаг. Скъола каст фæууни фæсте рандæй Сурх Æфсади рæнгъитæмæ æма бафиста Райгурæн бæсти размæ æ ихæс.

   Æ райгурæн гъæумæ исæздæхуни фæсте еунæг бон дæр æнæ косгæ нæ адтæй. Раззагдæр косгути хæццæ адтæй «60 лет Октября» колхози будури кустити. Æ трактормæ дæр зилдæй зæрдæй. Хецауадæмæ адтæй цæстивæрди йе ’нæхийнæ фæллойни фæрци. Еу æма дууæ хатти ибæл финст не ’рцæуидæ райони газетти, лæвæрд ин æрцæуидæ Кади гæгъæгитæ. Еунæг кустмæ дæр зийнадæ нæ кодта. Гъæуккагмæ фæккæсунмæ дæр ин æ раз неке иста. Толикки адæм зудтонцæ хæларзæрдæ, адæмуарзонæй æма ин кадæ кодтонцæ. Еске зинбæл зин кодта, еске ристæй - ристæй, еске цийнæбæл ба цийнæ кодта, адтæй игъæлдзæг. Йе ʹгъдау, æ уæззау зундæй хай кодта кæстæртæн.

   Рацудæй анз, кæдæй нæ астæуæй фæгъудæй Анатолий. Фал æнæкæрон зæрди рист ниууагъта æ цардæмбал Светæн, æ бæдæлттæ – Анзор æма Эллæн, хæстæгутæ, хеуæнттæн. Сæ ристæн æмбал нæййес, еунæг бон дæр сæ зæрдæй нæ цох кæнуй.

   Æхе амондгун худта Анатолий, æ тумугъ бийнонти цæрайæй цардæй. Фал ин æ хуæрзуод неци исагъаз æй. Бæргæ ма гъæбесæй фæххуæстæй карз нези хæццæ, фал ци загъдæуа хъисмæтæн. Цардмондагæй рахецæн æй æ дуйней рохсæй.

   Адзалæн мадзал нæййес, фæззæгъунцæ. Мæрдтæй хуæрзауодæн кæнæд Толик æ бийнонтæбæл, æндæр нæ бон неци зæгъун бал æй. Рæсугъд зæрдæ нæ мæлуй, фæззæгъунцæ, фал дуйней фарнæбæл бафтуйуй, ма æ зæрдæ цирагъдарæй байзайæд муггагмæ. Некæд уодзæй иронх, кай зудта, ке´хсæн цардæй, уонæй.

И вот тебя рядом не стало

Ты улетел высоко в небеса,

Нам дней с тобой прожитых мало,

Пред нами твои лишь глаза.

Слово «ПАПА» вовек не забудем,

В сердцах своих сохраним навсегда.

Как теперь без любви твоей будем,

Ведь больно нам жить без тебя.

                   От детей.

                                                   Бабочити Э.