Æрæги республикæ Цæгат Иристон – Аланий цудæй шахмæттæй еристи фæстаг этап «Белая ладья – 2026» зæгъгæ. Архайдтонцæ си ахурадон организацити ахурдзаути къуæрдтæ. Алли къуар дæр разæнгардæй архайдта фиццаг бунат райсунбæл. Æвдистонцæ хуарз зонундзийнæдтæ, фал алли еристи дæр фæууй хуæздæрæй хуæздæртæ. 

Хъæбæр æхцæуæн нин æй еци гъуддаг, ма республикон ериси фиццаг бунат мах райони ахурдзаутæ ке райстонцæ. Лескени астæуккаг скъолай ахурдзаути къуар, кæцими архайдтонцæ: Хъожити Батраз æма Ацæмæз, Къолойти Алан æма Аринæ. Æригон шахматисттитæ бавдистонцæ уæлахезмæ турнундзийнадæ, стратегикон зунд, лæмбунæгдзийнадæ, кæрæдзебæл еузæрдиондзийнадæ. Устур æнтæстдзийнадæ бафтудæй сæ къохи, кæций фæрци сæ къамандæ рацудæй нæуæг сæрдæр уæлвæзадæмæ. 

Нур ба Лескени æригон шахматисттити хезуй цитгин мисси – нæ республики кадæ багъæ уай кæнунбæл архайдзæнцæ Уæрæсеуон еристи, кæци цæу дзæй сæрди райдайæни город Сочий. Нæ зæрдæ зæгъуй сувæллæнттæн дæр, сæ разамонæгæн дæр устур æнтæст дзийнæдтæ бавдесун нæ бæсти сæйраг шахмæтти арени. Республики ци лæмбунæг сагъæскæнунадæ æма федар зонундзийнæдтæ равдистонцæ, уони ниллæгдæр нæ, фал бæрзонддæр кæнæнтæ. Уæлахези къæпхæнтæбæл бæрзонддæрæй бæрзонддæр хезæнтæ, ма æрмæст нæ район æма республикæ нæ, фал æгас Уæрæсей уæлахездзаутæ исун сæ къохти бафтуйæд.

Размæ, Уæлахезмæ!

Бабочити Э.