Сентябри фиццаг бон Мӕцути скъоламӕ Созури хузӕн ахурдзаутӕ хонхи иннӕ гъӕутӕй берӕ ӕрцудӕй. Еци кари биццеутӕ цалинмӕ кӕрӕдзей дзӕбӕх базонунцӕ, уӕдмӕ се ’хсӕн буцӕутӕ ӕма хилтӕ дӕр рауайуй. 

Уотӕ, Созур дæр кедӕр биццеуи хӕццӕ фӕххилӕ ’й. Мӕцути скъолай еци рӕстӕг ахур кӕнун ӕма гъонбӕладон куст бӕрзонд ӕвӕрд адтӕнцӕ. Гъе, уомӕ гӕсгӕ ахургӕнгутӕ Созури ниййергутӕмæ сæ гъаст бахастонцӕ: «Уӕ биццеу, дан, кедæр биццеуи фӕннадта ӕма ин сумах дӕр фӕххилӕ кӕнетæ», - зæгъгæ.

Созурӕн хӕдзари ку хилӕ кодтонцæ, уæд æй уотæ бафарстонцæ, ке хӕццӕ фӕххилæ дæ? Ке биццеу адтӕй?

Созур ӕ усхъитӕбӕл хæрдмæ исхуæстӕй ӕма уотæ:

- Магъа. Еу ӕнæдигорони хӕццӕ.

Уой фӕсте куд рабӕрæг ӕй, уотемӕй и «ӕнӕдигорон» уæллагкоймаг биццеу разиндтӕй.

Тамати Таймураз