Номерӕн
Рацудӕй 40 бони, кӕдӕй бабӕй нӕ Дигоргоми гъӕутӕбӕл ӕрвнӕрӕгау райгъустӕй уӕззау хабар – цубур рӕстӕгмӕ уӕззау нез ӕ рохс дуйнеййӕй, ӕ уарзон бийнонтӕй, е ’нагъом сабийтӕй, ӕхсӕнади хуӕздӕр адӕмтӕ ӕма райони адӕмон ахуради хаййади курдиадгундӕр ахургӕнгути рӕнгъитӕйтухтона ракодта чиколайаг Кязумти – Созауонти Луизӕ Созури кизги. Ӕгъатӕр хъисмӕт нӕ батӕрегъӕд кодта,Луизӕ сӕ зӕрдӕ дарӕн, сӕ гъар хори тунӕ, сӕ царди еунӕг нифс кӕмӕн адтӕй, еци рацӕргӕ ниййергутӕн, бухст ибӕл ка нӕ фӕразта, еци нӕфӕразгӕ хуӕрӕ Зӕлинӕн дӕр. Е ’носон дуйнемӕ ӕнафони бацудӕй мугкаги уарзон,ӕгъдаугин ӕма хуӕдӕфсӕрмӕ киндзӕ, уарзӕгой цардӕмбал, файноститӕ ӕма лӕгихуӕртӕн, теутӕн мади бӕдолау адгин бийнойнаг, Чиколай 1- аг астӕугкаг скъолай уруссаг ӕвзаг ӕма литерӕтури хъаурӕгин ахургӕнӕг, ӕма, ӕппунфӕстаг – ӕррӕстӕ нӕхемӕ хумӕтӕги дигорон, кадгин адӕймаг, ездон силгоймаг, ӕмгъӕугкаг, синхойнаг, ӕмкосӕг.
Луизӕ райгурдӕй 16 феврали 1975 анзи. Зӕрдӕргъӕвд ӕма рӕстзӕрдӕ, кустуарзон кизгӕ ахури медӕгӕ алкӕддӕр адтӕй фӕнзуйнаг. Ӕнтӕстгинӕй скъола каст фӕууни фӕсте бабацудӕй нӕхе горӕти паддзахадон университетти филологон факультетмӕ. Каст дӕр ӕй фӕцӕй ӕрмӕст хъӕбӕр хуарзбӕрӕггӕнӕнтӕ ӕма зонундзийнӕдти хӕццӕ ӕма райста ахургӕнӕги дӕсниадӕ.Еци фӕдбӕл, 1998 анзи, косун райдӕдта Чиколай 1- аг астӕугкаг скъолай. Уӕдӕй фӕстӕмӕ ӕ фӕстаг царди бони уӕнгӕ дӕр ӕ равзурст дӕсниадӕн Луизӕ баизадӕй еузӕрдиуонӕй.
Зин банимайӕн ӕй 25 анземӕ ӕ къохтӕбӕл цал ӕма цал сӕдӕгай ахурдзауирацудӕй царди рӕсугъд нӕдтӕмӕ, кӕцитӕ ӕй алкӕддӕр имистонцӕ ӕма ин ӕгъдау дӕр лӕвардтонцӕ куд сӕ уарзондӕр ахургӕнӕг, куд сӕ дугкаг мадӕ, уотӕ. Ӕ кустадон киунуги дӕр, ӕ берӕ аллихузон хуӕрзеугути нӕмтти хӕццӕ, ӕностӕмӕ баизадӕй еци еунӕг - кустмӕ райсти финсти бӕрӕггӕнӕн.
2008 анзиба Созауонти Созур ӕма Тауасон Дусяй хуӕрзтог, ездон, фӕлмӕнзӕрдӕ, дигорон ӕгъдаубӕл федар хуӕст кизгӕ ӕ цард баеу кодта Кязумти Ахполати берӕсувӕллонгун бийнонти хестӕр фурт Аликки хӕццӕ ӕма иссӕй адгин ӕма цитгин киндзӕ - хестӕртӕн лӕггадӕ кӕнӕг, кӕстӕртӕн сӕ хуӕздӕр ӕмбал ӕма зундамонӕг, синхи медӕгӕ фӕлвæра силгоймаги ном хӕссӕг. Бустӕги ӕновуд ибӕл адтӕнцӕ бийнонти ци дууӕ рохсаггаг хестӕри ӕрӕййафта ӕригон киндзӕ, бийнонти еци федар цӕгиндзӕ - фидӕ Ахполат ӕма мадӕ Аззӕ. Луизӕ син адтӕй хе бӕдолӕй дӕр фӕлмӕндӕр, уарзӕгойдӕр.
Скъолай разамунд ӕма ахургӕнгути устур коллективи астӕу дӕр Луизӕ, ӕ уоди рӕсугъд менеугутӕ ӕма зундрахасти фӕрци, бакуста еугурей уарзт ӕма нимаддзийнадӕ. Ӕ зӕрддагон архайди фӕрци ба ин еудадзуг, аллихузон бӕрӕгбӕнтти кадӕн, лӕвӕрд цудӕй кади нисантӕ ӕма хуӕрзеугутӕ, райдайӕ республики ахуради министрадӕ ӕма фӕууо райони разамунд ӕма скъолай дирекцийӕй. Фал Луизӕн алцӕмӕй хъазардӕр ба адтӕй сувӕллӕнтти ниййергутӕ ӕма сабийтӕнсӕ уарзт, сӕ нимаддзийнадӕ, ӕахуркӕнуйнӕгти раст нӕдтӕбӕл цуд.
Фал…. Хъисмӕт дессаги конд ӕй…. Нӕй зонӕн, кӕмӕн ци исцӕттӕ кӕнуй е ӕ царди фӕндаги кӕронмӕ, куд рауайдзӕнӕйадӕймагӕн ӕ исони бон.Ӕма, ӕнай–ӕнойти, сугъзӕрийнӕ уоди хецау, еугурей уарзон Луизи дӕр нимайгӕ бӕнттӕмӕ карз нези амӕттаг бакодта, фӕлмӕн мадӕй фӕсседзӕр ӕма фӕкъкъолбӕрзӕй кодта дууӕ дзӕбӕх сабиййи, мадӕ сӕ тӕгкӕ гъӕуни кӕмӕн адтӕй, еци, 9 -аг ӕма 7-аг къласи ахурдзаутӕ Аннӕ ӕма Руслани.
Еци ӕверхъау зин бон Кязумти устур фадуӕтти фезмӕлӕн дӕр нӕбал адтӕй, уойбӕрцӕ адӕм ӕрцудӕй мӕрдгин дууӕ мугкагей зинӕй хай райсунмӕ, Луизи е ’носон дуйнемӕ рафӕндараст кӕнунмӕ.Цӕстисуг зӕрдхъурмӕй къанӕудтӕй уадӕйӕрмӕст хеуӕнтти нӕ, фал е ’мкосгути, синхбӕсти, зонгити ростӕбӕлЛуизи дессаги меддуйнеййи менеугутӕ, ӕ бустӕги фӕлмӕн, изӕди хузӕн уоди лӕгигъӕдтӕ ин имисгӕй.Фал, ӕвӕдзи, дзӕгъӕлти нӕ баизадӕй нӕ хестӕртӕй уӕхӕн загъд,«Адзалӕн мадзал нӕййес», зӕгъгӕ, ӕндӕра Кязумти ӕнгом бийнонтӕй – теуӕй, цардӕмбалӕй, лӕги хуӕрӕй, файностӕй, уой ӕнгъӕл ка некӕд адтӕй, еци ниййергутӕй алкедӕр ӕ уод гъардта Луизи царди сӕрбӕлтау. Ци хузи дохтир, ци хузи хуасӕ ин нӕ бавзурстонцӕ…. Ӕрмӕст, табу уӕд еунӕг Хуцауӕн! На ʹдтӕй, ӕвӕдзи, уомӕйсӕ кари ци ниййергутӕ бацудӕй, кенӕ е ʹнагъом сабийтӕн батӕрегъӕд кӕнуни дзурд, цӕмӕй, сӕ зӕрдӕдарӕнӕн фулдӕр царди рӕстӕг исагкаг кодтайдӕ.Зӕнхон адӕймагӕн ба «рохсаг» зӕгъунӕй уӕлдай неци ӕй ӕ бон ауӕхӕн зини фӕдбӕл. Ӕма рохсаг уо, Луизӕ, де ʹносон дуйнебӕл! Дӕ байззайӕггӕгтӕ ба уӕнтӕ дӕуӕй нивгундӕр! Адӕми зӕрдити, ӕнӕмӕнгӕ, берӕ ӕнзти цӕрдзӕнӕнцӕ дӕ рохс ном ӕма дӕ рӕсугъд сорӕт, дӕ дессаги уоди менеугутӕ.Рохс дзенет уӕд де ’носон бунат! Рохсаг уо, Луизӕ, еугур адӕми уарзон, ӕнӕхийнӕ адӕймаг!
Кязумти бийнонтӕ арфӕ кӕнунцӕ еугур еци ӕрцӕуӕг адӕмӕн, синхбӕстӕ ӕма гъӕубӕстӕн, Луизӕ ке ӕхсӕн берӕ ӕнзти фӕццардӕй, ке астӕу фӕккуста, уонӕн, кадӕрин нӕ бавгъау кодта ӕ зӕрди гъар е ʹнӕфӕразги, еци ахургӕнгути коллективӕн, ӕ къласи сабийтӕ ӕма сӕ ниййергутӕн, сӕ устур зинӕй син хай кадӕр райста, ӕма игъосун дӕр кӕнунцӕ Луизи 40 боней садахъа ке уодзӕнӕй сабати, 25 ноябри 2023 анзи.
Гъигӕзӕрдӕ бийнонти номӕй
Чихтисти Риммӕ
