Заместитель Председателя Правительства РСО – Алания Ирбек Томаев провел заседание республиканской Комиссии по предупреждению и ликвидации чрезвычайных ситуаций и обеспечению пожарной безопасности.

Заместитель начальника Управления надзорной деятельности и профилактической работы ГУ МЧС России по РСО – Алания Заур Каиров доложил о готовности региона к проведению предстоящих новогодних и рождественских праздников.

– Обеспечение общественной безопасности и объектов инфраструктуры находится в числе приоритетных задач. Многолетний опыт работы в этом направлении у нас есть, но важно усилить взаимодействие всех заинтересованных ведомств и структур, – отметил Ирбек Томаев.

Массовых гуляний и концертов в новогодние праздники не планируется. Во Владикавказе и районах республики будут установлены елки, иллюминация, организованы места для культурного отдыха. Для детей проведут различные новогодние мероприятия в учреждениях образования и культуры.

Начальник отдела безопасности людей на водных объектах ГУ МЧС России по РСО – Алания Тамерлан Кудзиев подчеркнул, что при обеспечении безопасности населения на водных объектах первоочередное внимание следует обратить на работу с детьми. В зимний период происшествия с их участием случаются чаще всего на водоемах, в связи с чем, ведомством рекомендовано усилить патрулирование таких мест. В школах также будут проведены уроки безопасности, где детям расскажут о правилах поведения на льду. Кроме того, спасатели усилят контроль безопасности в местах, где будут организованы купели на Крещение.

Создание эффективной системы обеспечения безопасности туристов также является одной из важнейших задач – при организации зимнего горнолыжного отдыха. Ирбек Томаев обратил внимание руководства республиканского управления МЧС на необходимость обеспечить готовность группировки сил и средств ведомства, предназначенной для обеспечения безопасности отдыхающих на объектах туристического кластера. В свою очередь, владельцы объектов отдыха в полной мере должны соблюдать требования пожарной безопасности. Кроме того, администрациям местного самоуправления муниципальных образований рекомендовано во взаимодействии с республиканским Комитетом по транспорту и дорожной инфраструктуре и филиалом ФКУ Упрдор «Кавказ» в г. Владикавказе обеспечить своевременную расчистку дорог, ведущих к местам зимнего отдыха.

Силгоймæгти кадæн

       

Мадæ... Аци дзурдæй хъазардæр æма адгиндæр цъухæй не ´схаудтæй. Дуйней рохс ци сувæллон фæййинуй, уомæн дæр æ фиццаг исдзурд фæууй "мамæ". Е æрдзæй лæвæрд æй. Аци дзурдæй балæдæрун кæнуй ниййерæгæн, уарзондæр æма ин фæлмæндæр ке неке ес, уой.

     Ци дессаг æй æ зæрди конд мадæн. Ци берæ æнæхуссæг æхсæвтæ рарветуй æ бæдоли фæдбæл, авдæйнон ма ку фæууй, уæдæй æ кари бацæуни уæнгæ. Æй фæлмæн, бухсон зиндзийнæдтæн, хъаурæгин, хатиргæнагæ, сæрæн. Ма ци хуæздæр дзурдтæ ес зæнхи цъарæбæл, уонæй мади дессаг уоди кондбæл ци нæ бафедаудзæй.

       Мади зæрдæ - æнæкæрон будур. Мадтæлтæбæл сæ хуæздæр æмдзæвгитæ финсунцæ поэттæ, зарæггæнгутæ син исаккаг кæнунцæ сæ хуæздæр зартæ, хузæгæнгутæ син сæ дессаги аййев сорæт равдесунцæ гæгъæдибæл. Мадæй хъазардæр неке ес, уомæ гæсгæ маддæлти бæрæгбонмæ ци равдист бацæттæ кодтонцæ нæ райони Централон библиотеки косгутæ «Самая святая из женщин!», зæгъгæ, йе рауадæй медесгун, зæрдæмæгъаргæ, æрмæгæй гъæздуг. Иуазæгуати æрбахудтонцæ культури косгути, архайгутæн сæ маддæлтæ, сæ нанати. Бацæттæ кодтонцæ син литературон – музыкалон программæ.

     Маддæлтæн сæ бæрæгбони исаккаг кодтонцæ дессаги рæсугъд дзурдтæ. Амонгутæ Дадтети Салимæ æма Ганоти Данæ аййевдæр нæйес, уæхæн фæлгонц аразтонцæ æгас бæрæгбони дæргъи ниййерæг Мадæн. Силгоймаги дессаг уодиконд æма мади æнæзæнхон фæлмæндзийнадæбæл кастæнцæ æмдзæвгитæ Дзарасти Камилла, Гульчети Залинæ, Гуйти Вероникæ, Медойти Аминæ æма сувæллæнтти рæвдауæндонæ «Сказки» гъомбæлгæнуйнæгтæ. Дедегкати Алинæ ба бацæттæ кодта инсценировка Гурдзибети Блашкай «Авдæни зар» -мæ гæсгæ. Еци рæсугъд дзубандитæ æвзурун кодтонцæ æрцæуæг адæнмæ фæлмæн æнкъарæнтæ. Уомæй син сæ зæрдæбæл æрлæуун кодтонцæ, нæ ирон финсгути исфæлдистади ци дессаги мади сорæттæ æма фæлгонцтæ арæзт æрцудæй, уонæй цалдæр. Уæлдай арфдæр зæрдæмæ хизтæнцæ, мади тухæй ци таурæгътæ дзурдтонцæ, етæ. Алкæми дæр си æвæрд æрцудæй арф гъуди.

Мади æносон сорæт, силгоймаги уарзти æнæкæрон сауæдонæ, бийнонти астæу æ егъау бунат равдистонцæ сæ зарти Хæмицати Иветæ, Хабелати Альбинæ, Зангиати Аслан, Тускъати Розæ æма Плити Эдуард. Культури кафгути къуари разамонæги гъомбæл кæнуйнæгтæ Цорити Давид æма Тамати Ангелинæ ракафтонцæ ездон, националон, æнæкæрон æнкъарæнтæ æвдесæг «Хонгæ кафт». Бæрæгбонæн æ райдайæнæй æ кæронмæ фæйнæгбæл æвдист цудæй презентацитæ.             

   Æрмæст уати фæлгонц дæр адтæй тематикон æгъдауæй аййев. Фæрстæбæл зундгонд адæми курухон разæгъдтитæ мадæ ма силгоймаги тухæй. Æмбесæндтæ мади тухæй. Уобæл байархайдтонцæ культури Галауани косгутæ, кæцитæй арфиаг æнцæ равдист бацæттæгæнгутæ.    

     Зæрдæй арфæ кæнунцæ библиотеки косгутæ, сæ равдист цæмæй æнхæст рауадæйдæ, уомæй сæмæ материалон æгъдауæй сæ усхъæ ка бадардта, уонæн. Етæ æнцæ Дзагурти Ермак æма Дадтети Вадим. Сæ къох алкæддæр идзаг уæд, Хуцауи фарнæй хайгин уæнтæ. Уони фæрци конд æрцудæй равдистмæ хунд силгоймæгтæн фингитæ.      

     Равдисти кæрони Ирæфи райони культури управлений сæргълæууæг Зехъети Хетæг æма Гъуцъунати Батæрбег ракувтонцæ, ирон фингæ куд амонуй, уотæ æртæ къерей, ма раарфæ кодтонцæ фиццагидæр, нæ цард рæсугъд кæмæй æй, нивæ ма амонд ка хæссуй, еци силгоймæгтæн, маддæлтæн. Дессаги рæсугъд дзурдтæ иссердтонцæ етæ дæр сæ бабоц кæнунæн. Мади фæлмæн бахудт - бийнонтæн амонд хæссуй, æ уарзæгой зæрдæ ба - нифс æма хъаурæ. Æгас иуазгутæн дæр искодтонцæ устур аргъ, сæ зæрдитæмæ арф æнкъарæнтæ хаст æрцудæй, кæцити тухæй сæ гъудитæ загътонцæ кæронбæттæни. Дуккагидæр ба аци медесгун равдистбæл ка байархайдта, ка ʼй бацæттæ кодта, уонæн, райони сæйраг библиотеки косгутæн. Уой дæр ма мæ фæббæрæг кæнун фæндуй, æма аци кустуати кадæр косуй, етæ еумæйагæй бацæттæ кæнунцæ сувæллæнтти хæццæ алли бæрæгбонмæ дæр равдист. Йе уобæл дзорæг æй, æма кæнунцæ устур гъомбæладон куст.

   Еу загъдæй, иуазгутæ байзадæнцæ хъæбæр бозæй. Рæсугъд æнкъарæнти хæццæ си рандæй алке æ хæдзарæмæ.

                                                                       Бабочити Э.

 

 

С начала 2022 года более 1300 публикаций в республиканских и муниципальных и сетевых СМИ были посвящены деятельности некоммерческих организаций Северной Осетии, в том числе 26 сюжетов на телевидении, 199 материалов в печатных изданиях, 21 в информационном агентстве и более 1000 в интернет-изданиях.

Комитетом по делам печати РСО-Алания при участии Министерства экономического развития РСО-Алания, Ресурсного центра поддержки СОНКО организован круглый стол на тему: «НКО и СМИ – сотрудничество». Также совместно с Министерством экономического развития с 2020 года реализуется информационный проект «Добрые люди», для информационного сопровождения деятельности СОНКО в рамках соглашения о взаимодействии между Комитетом по печати РСО-Алания, Ресурсным центром поддержки СОНКО и средствами массовой информации РСО-Алания.

В ходе круглого стола обсуждались вопросы о практике взаимодействия СМИ и НКО, об информационной активности НКО и АНО, о том, как готовить материалы для публикации в средствах массовой информации и куда нужно обращаться для того, чтобы мероприятия и проекты освещались.

Встреча получилась продуктивной и важной. В ходе беседы представителей некоммерческих организаций и руководителей региональных изданий выявлены проблемы с освещением тематических мероприятий. Руководители республиканских СМИ заверили о том, что будут с радостью освещать мероприятия и проекты НКО, и в частности инклюзивной студии. В докладах от главных представителей региональных СМИ прозвучали темы о взаимодействии органов власти, СМИ и СОНКО, о проекте «Добрые люди», «Как через СМИ продвигать социальные проекты?», а также «НКО и СМИ. Чем мы можем быть друг другу полезны»

Между содержательной частью круглого стола беседа проходила в формате дискуссии. Участники имели возможность после докладов задать интересующие вопросы и получить на них ответы от компетентных специалистов. Главные редакторы выделили главные аспекты, которых стоит придерживаться чтобы информацию о деятельности некоммерческих организаций точно опубликовали.

 

По материалам пресс-службы Комитета по делам печати и массовых коммуникаций РСО-Алания

                

                                   Æз та кæсын "Ирон фæндыр" хъазуатæй,

                                     Хæссы мæ хъæлæс музыкæйау уатæй

                                     Ирон ныхас - ирон дзыллæйы кад.

                                     Мæ чысыл Ир, дæ бонæй у дæ бонæй,

                                     Кæй зонынц дæу цæрæнбонты иронæй,

                                     Кæй дын кæны ирон æвзаг лæггад.

     Фыдæй – фыртмæ, фæлтæрæй – фæлтæрмæ ирон лæджы кад æмæ цыт бæрзæндтæм истой: ирон лæг, йæ фæрнджын ныхас, йæ кад, йæ намыс. Хъæубæсты нымад, дзырддзæугæ, зондамонæг, æгъдаухæссæг, бинонты фидауц, хæдзары астæуккаг цæджындз… Ирон лæг цы хъуыддаджы лæуд вæййы, уым у дæсны кусæг, æгъдау æмæ зонды гуырæн, хæларзæрдæ æмæ иузæрдон.

   Стыр цæстдард дарынц ацы хъуыддагмæ Цæгат Ирыстоны республикон æхсæнадон змæлд "Иудзинад"-ы уæнгтæ. Сæ конкурс - æркаст "Ирон дæн æз" сси традицион, республикæйы царды нымад æрцыд ахсджиаг фæзындыл. Ацы аз дæр та арæзт æрцыд ацы конкурс Æрæфы районы Цыколайы 1-æм скъолайы. Конкурсы архайæг æрыгон лæппутæ царды мидæг нырма фыццаг къахдзæфтæ кæнынц. Бирæ диссаг сгуыхтдзинæдтæ сын нæма бантыст, фæлæ уал абоны фæзминагæй æвдисынц сæхи алы хъуыддаджы дæр – царды, æгъдауы, ахуыры. Архайджытæ ирд ахорæнтæй хъуамæ равдыстаиккой куыд зонынц маддæлон æвзаг, куыд зонынц нæ фыдæлты рæсугъд æгъдæуттæ, куыд арæхсынц аивадмæ. Æмæ сæ къухы бафтыдысты ацы хъуыддæгтæ.

     Сæ арæхстдзинад æвдыстой: Цæрикъаты Кермен (Цыколайы 3-æм астæуккаг скъола, ахуыргæнæг Хосдзауты Мæдинæ), Хохты Марик (Сырх- Дыгуры астæуккаг скъола, ахуыргæнæг Габеты Зæлинæ), Тургиты Мурат (Советтоны астæуккаг скъола, ахуыргæнæг Дзабайты Аллæ), Таматы Рамазан (Хæзныдоны астæуккаг скъола, ахуыргæнæг Дзоблаты Аллæ) æмæ Хоцаонты Сæрмæт (Лескены астæуккаг скъола, ахуыргæнæг Цохъты Оксанæ).

     Конкурсы амонæг, ирон æвзаг æмæ литературæйы ахуыргæнæг Дреты Тамарæ йæ разныхас райдыдта тынг рæсугъд, зæрдæмæдзæугæ ныхæстæй нæ ирон фарн æмæ æгъдау, нæ традицитæ æмæ нæ аивады тыххæй. Фæбæрæг кодта, тынг æхсызгон кæй у, фæсивæд фылдæр æргом æздахын кæй райдыдтой ирондзинадмæ. Уый фæстæ æхсæнадон змæлд "Иудзинад"-ы уæнгтæн арфæйы ныхæстæ цы стыр куыст кæнынц нæ фарн, не ´гъдæуттæ, нæ традицитæ æмæ не ´взаг бахъахъхъæныны фæдыл, уый тыххæй. Архайджытæм дæр йæхи бахадта тынг рæсугъд разныхасимæ.

        Архайджыты размæ цы хæслæвæрдтæ æвæрд æрцыд, уыдон фæрсæрдыгæй куыд æнцон кастысты, бынтон афтæ нæ уыдысты. Фыццаг хæслæвæрд уыд хæдзармæ куыст. Архайджытæ хъуамæ ныффыстаиккой æмæ бакастаиккой сæ нывæцæнтæ "Ирон дæн æз", зæгъгæ. Алчидæр дзы хъуамæ райхæлдтаид йæ хъуыды, йæхи ирон кæй хоны, уымæй сæрыстыр цæмæй у, куыд æххæст кæны йæ фыдæлты фæдзæхстытæ.

         Конкурсы фыццаг фæлварæн уыдис мыггæгты равзæрд. Тыхджын æмæ фæрнджын мыггаг уидагджын æмæ бирæкъабазджын бæласы хуызæн у. Аллы мыггагæн дæр ис йæхи истори, йæхи ном, йæхи бынат иннæ мыггæгты æхсæн. Йæ мыггаджы равзæрды историйы тыххæй радзырдта конкурсы алы архайæг дæр. Æхсызгон у, алчидæр дзы афтæ хорз кæй зоны йæ мыггаджы равзæрд, уый.    

     Дарддæр лæппутæ бафæлвæрдтой, нæ адæмы удварны æнусон хæзнатæ - ирон бæрæгбæттæ куыд зонынц, уымæй. Алчидæр сæ радзырдта, цы бæрæгбон æм æрхаудта, уый тыххæй. Уыдон нæ адæмы æнусон хæзнатæ сты. Уыдон сты царды скъола, ирдæй дзы зыны нæ адæмы удысконд, сæ фарн, æмæ сæ хъуамæ хъахъхъæнæм цæсты гагуыйау. Фидæны фæлтæртæм сæ раттæм сыгъдæг æмæ æнаиппæй. Уый у æркаст расидæг æхсæнады уæнгты хæсты сæйрагдæртæй иу, æмæ йыл æнæрынцойæ кусынц.

     Цард цæуы æмæ фарн йемæ хæссы. Уæдæ абоны æркасты ерысдзаутæ - сомбоны усгуртæ. Чи цæра, ууыл бинонты хъуыддаг кæныны бон дæр ралæудзæн. Усгуры размæ та бирæ хæстæ æвæрд вæййы, æмæ сæ хъуамæ алы лæппу дæр рагацау зона. Уымæ гæсгæ æртыккаг фæлварæны лæппутæ равдыстой чындзæхсæвы æгъдæуттæ куыд зонынц, уый.

Кæронбæттæны лæппутæ бавдыстой цавæр аивадон миниуджытæй хайджын сты, уый. Сæ дæсныдзинад кафынмæ, зарынмæ, ирон музыкалон инструменттæй цæгъдынмæ, аив дзурынмæ архайджытæ равдыстой конкурсы фæстаг хайы.

     Архайджытæ уыдысты хорз цæттæгонд. Сæ арæхстдзинадæн сын аргъ кодтой: "Иудзинад"-ы æвзæрст лæг Токты Валодя; ахуырады скъуыхт кусæг, Æрæфы районы адæмон театры архайæг, культурæйы скъуыхт кусæг Аркъауты Джульеттæ; Сечеры культурæйы Хæдзары сæргълæууæг Бырнæцты Анатолий. Жюрийы уæнгтæн æнцон нæ уыди хуыздæрты рартасын. Æркаст - конкурсы къамисы бæрæггæнæнтæм гæсгæ, фыццаг бынат бацахста Хохты Марик, дыккаг – Цæрикъаты Кермен, æртыккаг – Тургиты Мурат. Уæлахиздзауты сæ ахуыргæнджытимæ схорзæхджын кодтой Кады гæххæттытæй, æхцайы премитæй æмæ зæрдылдарæн лæвæрттæй. Иннæ архайджытæн дæр лæвæрд æрцыд Кады гæххæттытæ æмæ зæрдылдарæн лæвæрттæ. Нæ ферох сты амонæг æмæ жюрийы цы сылгоймагтæ бадти, уыдоны дæр. Лæваргонд сын æрцыди дидинджыты бæстытæ.

     Зæрдæмæдзæугæ рауад, бæрæгбоны архайджыты разæнгард кæнынæн цы концерт æвдыст æрцыд, уый дæр. Сæ музыкалон салам балæвар кодтой архайджытæ æмæ уазджытæн: районы культурæйы Галауаны кæстæр доулистты къорд «Ритмы гор», зарæг «Ма тухсæ» - Хæмыцаты Иветæ, «Хонгæ кафт» - Гæдзаонты Карим æмæ Таматы Ангелинæ, æмдзæвгæ æвзаджы тыххæй - Дреты Тамарæ, æмдзæвгæ «Гыццийы монолог» - Дадтеты Салимæ, Цыколайы аивады хæдзары цæгъдджыты къорд, зарæг «Фарн» - Хабелаты Альбинæ.

     Архайджытимæ æрцыди лæмбынæг куыст. Уый бæрæг уыдис, куыд хорз цæттæ уыдысты, уымæй. Уымæ гæсгæ "Иудзинад"-ы уæнгтæ диссаджы рæсугъд арфæтæ ракодтой архайджытæн æмæ сæ ахуыргæнджытæн. Хорз уыдаид, æмæ районы æппæт скъолатæ дæр куы архайдтаиккой.

     Цæмæй бæрæгбон хъæугæ уагыл æххæстгонд æрцæуа, ууыл та зæрдиагæй бацархайдта районы ахуырады управленийы методист Бесолты Алан.

     Ацы конкурс хынцы абоны рæстæджы зæгъинæгтæ, нæ сагъæстæ, нæ риссаг фарстатæ, кæцытæ баст сты нæ ирондзинадимæ, не ´гъдæуттимæ, не ´взагимæ, нæ культурæимæ. "Иудзинад"-ы уæнгтæ сæхимæ райстой ахсджиаг хъуыддаг æмæ йыл архайынц. Фæсивæды разæнгард кæнынц æркасты архайынмæ æмæ сын афтæмæй сæ зæрдæты тауынц фыдæлты æгъдæуттæм уарзондзинад. Уый у стыр арфæйаг хъуыддаг!

                                                                                         Бабочиты Э.