Поэти кадæн
«Дигоргом уотид рауӕн нӕʼй, уотид алᴂмᴂти рӕсугьд бӕстӕ, фал нӕ еумӕйаг дигиза, нӕ еумӕйаг мадӕ, нӕ еумӕйаг авдӕнæ! Дигоргом - уодтӕ рохсгӕнӕг ӕма зӕрдитӕ кӕдзосгӕнӕг бӕстӕй. Ӕ йʼарв цъӕхдӕр ӕма бӕрзонддӕр ӕй иннӕ рауӕнтӕй. Ами уогӕй адӕймаг феронх кӕнуй ӕ листӕг гъуддӕгутӕ, ӕ мӕститӕ, ӕ лӕкъун ӕрбадуй ӕма ӕ сагъӕстӕ хорзӕринӕй фегъӕстӕ унцӕ», - зæгъуй нæ республики адæмон поэт Бабочити Руслан. Уой хæццæ, мæнмæ гæсгæ, исарази уодзинан нæ еугур дæр. Иристони еци дессаги къумæн æ гъæути рæсугъддæртæй еуеми, дзенетон рауӕни, Мæцути гъæуи цитгин уавӕри игонгонд æрцудæй фиццаг дигорон поэт, дигорон поэзий бундорæвæрæг ӕма бӕгъатӕр тугъдон Гурджибети Блашка Майрӕнсауи фурти бюст.
Равдистмӕ хунд æрцудæнцæ Дигори цӕрӕг адӕм,Ирӕфи администраций разамунд, ахургӕнгутӕ ӕма культури косгутӕ, скъоладзаутӕ, Цӕгат Иристони финсгути Цӕдеси минӕвӕрттӕ, телеуинунади косгутæ. Еци бон берæ дзурд æрцудæй Блашкай цубур, фал исфæлдистадæй дæр æма æнæуой хабæрттæй дæр гъæздуг цардбæл.
Федӕни фиццаг дигорон поэт Гурджибети Блашка райгурдӕй еу мин аст сӕди ӕхсай ӕстӕймаг анзи 1-аг мартъий Масуггъӕуи, уруссагау ба станица Ново-Осетинская, зӕгъгӕ, уоми, ӕфсӕддон службӕгӕнӕги хӕдзари. Блашкай фидӕ Майрӕнсау адтӕй паддзахи ӕфсади офицер, æ рӕстӕгмӕ гӕсгӕ ахургонд ӕма уездон лӕг. Рамардӕй, исуйнаг поэтбӕл авд анзи ку цудӕй, уӕд. Блашка хуарз бӕрӕггӕнӕнти хӕццӕ каст фӕцӕй станица Павлодольскӕйи райдайӕн скъола. Уой фӕсте ахур кодта Стъараполи гимназий, фал ӕй, ӕ фадуӕттӕ ке нӕ амудтонцӕ, уомæ гӕсгӕ кӕронмӕ каст нӕ фӕцӕй. Еу мин аст сӕди ӕстай ӕстӕймаг анзи Блашка федарӕй иснет кодта ӕ цард ӕфсӕддон служби хӕццӕ исбӕттунмӕ, ӕ фиди фӕндагбӕл ӕрлӕуунмӕ. Бацудӕй Хъизлари фиццаг Гребенской полкмӕ, райста урядники ном. Дууᴂ анзей фӕсте ӕрвист ӕрцудᴂй, рагӕй кумӕ бӕлдтӕй, еци Стъараполи хъазайхаг юнкерти скъоламӕ. Райста подхорунжийи цин ӕма уӕдӕй фӕстӕмӕ службӕ кӕнун райдӕдта Сунжæ - Дзӕуӕгигъӕуи фиццаг полки ӕфсӕддон ахуради сӕргълӕууӕгӕй. Блашка ӕнӕкӕрон берӕ уарзта ӕфсӕддон службӕ. Ӕ цард ин иснивонд кодта, ӕфсӕддон уӕледарӕс ибӕл федудта, цъете куд аййев фӕзиннуй хонхи цъоббӕл, раст гъе уоййау. Кӕддӕридӕр адтӕй раззагдӕрти нимӕдзи. Мин фарӕстсӕдӕймаг анзи ин равардтонцӕ сотники ном, цуппар анзей фӕсте ба иссӕй подъесаул. Офицери ном кӕд еске кадӕ - радӕй рахаста, уӕд Блашка дӕр.
Гурджибети Блашка адтӕй ӕ Фидибӕсти зингзӕрдӕ патриот. Ӕ Иристони, ӕ минкъий Дигори куд уарзта, уотӕ уарзта Уӕрӕсей дӕр. Ӕхе нимадта ӕ фуртбӕл ӕма ин, фурт ӕ ниййерӕг мадæн куд фӕллᴂггадӕ кᴂнуй, уотӕ лӕггадӕ кодта. Мин фараст сӕдӕ цуппᴂрᴂймаг анзи Идард Хорискӕсӕни Уӕрӕсе ӕма Японий ӕхсӕн ци рахастдзийнадӕ исӕвзурстӕй, етӕ адтӕнцӕ тугъди нисантӕ. Уой лӕдӕргӕй, Блашка барвӕндонӕй ӕхе рарветун кодта тохи будурмӕ ӕма си устур бӕгъатӕрдзийнадӕ бавдесгӕй,анзи фӕсте фӕммардӕй. Ци ӕфсӕддон хаййи службӕ кодта, уой хецауадӕ ин устур ӕгъдау равардтонцӕ. Ӕ мард ин цинкӕй конд кири Манчжурийӕй Иристонмӕ исластонцӕ. Блашкай устур кади хӕццӕ байвардтонцӕ Масуггъæуи уӕлмӕрдти. Ӕ саударӕн ӕмбурдмӕ ӕрцудӕй берӕ адӕмтӕ Иристони алли рауантӕй. Архайдта си академик Всеволод Миллер дӕр, поэти сфӕлдистади хӕццӕ зонгӕ ке адтӕй, уомӕ гӕсгӕ. Блашка ци хъазауатдзийнадӕ ʼскодта тугъди будури ӕма куд фӕммардӕй, уони туххӕй газет «Терские ведомости» дууӕ номереми мин фараст сӕди ӕхсӕзӕймаг анзи лӕмбунӕгӕй ниффинста, ци полки службӕ кодта, уой командир Баратов. Ӕ уацхъуд хунттӕй «Памяти подъесаула Власия Ивановича Гуржибекова».
Фиццаг ауӕдзӕ хонх ӕй фӕззӕгъунцӕ ӕма си мӕнгӕттӕй неци ес. Фӕндаг къӕрт кӕнунӕй фӕсте цӕун ӕнцондӕр ӕй. Гурджибети Блашка, уӕлдӕр куд загътан, уотӕ адтӕй фиццаг дигорон поэт. Цӕттӕ литературон традици не ʼрӕййафта, уӕхӕн аййевадон фӕлтӕрдзийнадӕ нӕма адтӕй дигорӕнттӕмӕ 18-аг ӕноси дуккаг ӕмбеси ӕма 19-аг ӕноси райдайӕни. Ӕма алцидӕр ӕхецӕн кӕнгӕ рауадӕй.
Блашка œмдзœвгитœ финсун райдœдта мин аст сœди науœдзœ œхсœзœймаг анзœй фœстœмœ, ахур ма ку кодта, еци рœстœги. Бакастœй берœ уадзимистœ уруссаг œма фœсарайнаг классикон литературœй, хуарз зудта Хетœгкати Къостай исфœлдистадœ, кодта ин устур аргъ. Арœхстœй адœмон дзоргœ исфœлдистадæй пайда канунмœ дæр. Блашка, куд поэт, уотœ адтœй хуœст œ рœстœги прогрессивондœр зундирахастбœл. Æ зœрдœмœ арф иста хумœтœг дзиллити царди уœззау уавœртœ œма бœллецтœ, бœрзонд ивœрд имœ адтœй адœймаги сœребарœ. Поэт œууœндтœй, хуœздœр федœн ке ралœудзœнœй œма адœм œмбарœ, œмсœр ке исуодзœнца, уобœл. Устур бунат ахæссуй Блашкай исфæлдистади куд патриотон лирикæ, уотæ уарзондзийнадæбæл финст æмдзæвгитæ æма кадæнгитæ дæр. Еу къуаребал си финст æрцудæй зартæ.
Гурджибети Блашкай царди хабæрттæбæл арæх финст нæ цæуй, уомæ гæсгæ сæ цубурæй радзурдтан. Гурдзиаг аййевадон литератури классик Илья Чавчавадзе ӕ рӕстӕги уотӕ загъта: «Падение нации начинается с того момента, когда кончается память о прошлом». Ӕма нӕ Хуцау уӕхӕн бӕлахӕй бахезӕд!
Бюст игонгæнæн рæсугъд бони Блашкай тухæй нæ райони администраций сæргълæууæг Лагкути Омар æ радзубандий уотæ загъта: «Сегодня мы в торжественной обстановке открываем памятник Блашка Гурджибекову – основоположнику дигорского литературного языка, видному поэту и царскому офицеру. Судьба его очень трагична, в первую очередь тем, что в 1905-м году, в достаточно молодом возрасте, он погибает в Русско-японской войне в возрасте 37 лет. Многие его произведения бесследно исчезли. Мы не должны забывать его боевой подвиг и его творчество. Он оставил яркий след в осетинской прозе и поэзии». Ма йе æдæуагæ уотæй.
Ирæфи райони культури Галауани вокалон зарæггæнгути къуар разардтонцæ: «Дигори зар», Бабочити Руслани дзурдттӕ ӕма Дзоблати Анатолий музыкӕ; «Земля нартов», Гурджибекти Ирини дзурдтӕ ӕма Хабелати Альбини музыкӕ; «Цœрœд Къоста», Бабочити Руслани дзурдтœ œма Хекъилати Людмили музыкœ; зар «Сау рӕсугъд», Габети Сергеййи дзурдтӕ ӕма мелоди; «Федог», Малити Георгий дзурдтᴂ, Хекъилати Людмили музыкᴂ. Зангиати Аслан ба разардта «Фидибæстæ».
Блашкай литературон бунтæ берᴂ нᴂ ’нцӕ. Ӕ фиццаг æмдзᴂвгити ᴂмбурдгонд «Дигорон уадзимистæ» мухури рацудᴂй мин фараст сᴂди дуккаг анзи, Дзæуæгигъæуи, Шувалови типографий. Анз фᴂстᴂдᴂр геппи рацудᴂнцᴂ ᴂ кадᴂнгᴂ «Сахи рᴂсугъд» ᴂма ᴂ хуᴂздᴂр уадзимис – комеди «Ӕдули», кæци цалдᴂр хатти ивᴂрд ᴂрцудᴂй куд нæ республикон драмон театри, уотᴂ адᴂмон театрти сценитᴂбᴂл дᴂр.
Йе ʼмдзæвгитæ ин бакастæнцæ скъолати ахурдзаутæ. Гъулᴂггагᴂн, ᴂ къохфинститᴂ ке фесавдᴂнцᴂ, уомᴂ гᴂсгᴂ е’ мдзᴂвгитᴂй беретᴂ мах уᴂнгᴂ не ’рхъᴂрттᴂнцᴂ. Фал ин мухури ка рацудᴂй, етᴂ дᴂр фагᴂ ’нцᴂ уотᴂ зᴂгъунмᴂ: «Гурджибети Блашка адтᴂй фиццаг дигорон финсᴂг, курдиатгун поэт ᴂма ᴂ Фидибᴂсти патриот».
Мæнæ куд зæгъунцæ Блашкай тухæй еуæй - еу зундгонд ахургæндтæ, литературæ ертасгутæ. «Одним из тех, кто стоял у истоков зарождения и становления осетинской литературы, перед светлой памятью которых нынешнее поколение писателей и литературоведов находится в большом долгу, был родоначальник дигорской поэзии Блашка Майрансауович Гурджибеков. Он писал свои стихи силлабическим стихосложением, основными ритмическими определителями которого являются одинаковое количество слогов и ударений, цезура и рифма в стихотворных строках. С этой точки зрения его поэзия является безупречной за отдельными исключениями. В его творчестве нет ни одного произведения, которые бы не имели актуального звучания для своего времени. Более того, многие идеи его произведений поражают читателя своей актуальностью и сегодня». Сулейман Сабаев.
«… Блашка Гуржибеков был прежде всего поэтом, он писал для своего народа кровью сердца. Немногие, скорее брошюры, чем книги, были изданы при жизни поэта: поэма «Сахирасугъд», сборник стихов «Дигорон уаджимиста», пьеса в стихах «Адули». Но каждая из этих брошюр стоит некоторых толстых томов, потому что они оригинальны, неповторимы. Реалистическое начало причудливо сочетается в них с романтическим, сказочным. И какие в них точные сюжеты, яркие поэтические краски». Захар Сагутонов.
«Я всегда высоко ценил Блашка как поэта и человека. Язык его произведений великолепен, и я постоянно обращаюсь к его произведениям в своей научной работе по осетинскому языку». Васо Абаев.
Иристони дзиллитᴂ не’ ронх кᴂнунцᴂ сᴂ поэти ном. Ес ᴂ номбᴂл музей, циртдзᴂвᴂнтᴂ ивᴂрд ин ес ᴂ райгурᴂн гъᴂуи, Дзᴂуᴂгигъᴂуи ᴂма Дигорай. Абонᴂй фᴂстᴂмᴂ ба мᴂнᴂ Дигоргоми дᴂр, ᴂ рагфиддᴂлтᴂ кᴂцᴂй рацудᴂнцᴂ, уоми.
Аци рᴂсугъд ᴂма гъᴂугᴂ гъуддаг ке зᴂрди ᴂрᴂфтудᴂй, ка ибᴂл исхарз кодта, уонᴂй Еунᴂг Хуцау исарази уᴂд! Фиццагидᴂр, Байхъулти Цᴂраййᴂй ᴂма ин арфᴂ кᴂнᴂн! Блашкай фᴂлгонц уотᴂ аййев ка исаразта, е ба ᴂй игъустгонд уᴂрᴂсейаг скульптор Соскъити Владимир ᴂма уомᴂн ба ᴂ къохи нᴂуᴂг исфᴂлдистадон уᴂлахезтᴂ бафтуйᴂд!
Цᴂрᴂд ᴂностᴂ Гурджибети Блашкай рохс ном! Нᴂ алᴂмӕти рᴂсугъд дигорон ᴂвзаг ᴂведуйгᴂ сауᴂдонᴂ разиннᴂд! Не’ фсес си куд нᴂ зонᴂн, ци къахнад имᴂ цᴂуй, уобᴂл кᴂрдᴂг куд некᴂд ᴂрзайа, еци нивᴂ уᴂд нᴂ еугурей дᴂр!
Бабочити Э.
