Скъола курдбадзæ æй, ахургæнæг – курдалæгон. Æхседуй педагогон кусти. Рохс хæссуй ирæзгæ фæлтæрмæ, сæ зонундзийнæдти къæсса син бонæй - бонмæ идзаг кæнуй, царди тонхи сæ уадзуй. Ахуради нуриккон домæнтæ кæд вазуггиндæр фæцæнцæ, уæддæр скъоладзаутæмæ ба игурун кæнунцæ урокки медæгæ фулдæр цæмæдесдзийнадæ, активондæрæй цæмæй архайонцæ, уомæ арæзт æнцæ. Уонæй куд пайда кæнунцæ нæ ахургæнгутæ, удта сæ фæлтæрддзийнадæй куд хай кæнунцæ се ’мкосгутæн, уонæбæл бæстон æрдзорунцæ сæ фембæлдти, методикон еугæндтти æма семинарти.
Сурх - Дигори гъæуи скъолай 28 апърели бабæй бамбурд æнцæ Ирæфи муниципалон райони ирон æвзаг æма литератури ахургæнгутæ. Æрæмбурд сæ кодта дессаги медесгун семинармæ Годзойти Александри кизгœ Анжела, ирон œвзаги урокмœ, кœци иссœй аци ахури анзи кœронбœттœни урок.
Бонæй - бонмæ фулдæр гъæугæ гъуддæгтæ лæвæрд ке цæуй куст разæнгард кæнунæн, алливæрсуг медесгун уроктæ дæттунæн, техникон фæрæзнитæ æма нæуæг методикæмæ гæсгæ уроктæ амонунæн, кусти уагœвœрд гъæздугдæр, медесгундæр æма цæмæдессагдæр кæнунœн, уой равдиста œ урокки Анжелœ.
Семинар арæзт æрцудæй райони ахургæнгутæн. Архайдтонцœ си райони ахуради управлений ирон œвзаги методист Къолойти Зœлинœ œма райони ирон æвзаги методикон еугонди сæргълæууæг Дзабайти Аллæ.
Урок лæвæрд æрцудæй 6 - аг къласи ирон œвзагбœл. Æ темæ адтæй «Мивдисæджы здæхæнтæ. Æргомон æмæ бæллиццаг здæхæнтæ». Урокки нисан адтæй аци темæ бæлвурддæр исахур кæнун, зонундзийнæдтæ фæгъгъæздугдæр кæнун. Урок лæвæрд æрцудæй нæуæг домæнтæмæ гæсгæ. Урок адтæй берæвæрсуг. Бантæстæй ахургæнæгæн дæр æма ахурдзаутæн дæр сæ размæ ихæстæ банхæст кæнун. Æрмæст ахурадон нæ, фал ма урокки медæгæ агъазиау куст æрцудæй гъомбæладон æма патриотон фарстатæбæл дæр райгурæн бæстæ, Иристон æма маддæлон æвзаг уарзуни фæдбæл.
Лæмбунæг куст бакодтонцæ ахурдзаутæ куд хебарæй, уотæ къуæрдти медæгæ дæр. Адтæй си тексти хæццæ куст, тематикон бацеу-бацеутæ æма гъазт «Ка тагъддæр». Уæхæн мадзæлттæ разæнгард кодтонцæ сувæллæнтти нигги хъæбæрдæр. Сæ дзуаппитæ адтæнцæ æнхæст, бæрæг адтæй, лæвæрд темæ хуарз ке балæдæрдтæнцæ.
Фæббæрæг кæнун мæ фæндуй еци гъуддаг, ма еу бакастæй дæр бæрæг дардта, аци сувæллæнтти хæццæ хъазауатон куст ке цæуй. Федералон паддзахадон ахурадон стандартти размæ ци сæйраг ихæстæ æвæрд цæунцæ, уонæн сæ сæйрагдæрбæл нимад æй, скъоладзаути хебарæй сагъæс кæнунбæл ахур кæнун. Семинари архайгутæ фæббæрæг кодтонцæ аци сувæллæнттæ ке зонунцæ сæ гъудитæ раст æма бæлвурд зæгъун, игъосæги размæ сæ рахæссун, алке си ахе гъудибæл федар лæуун æма æй гъæуай кæнун. Ахургæнæг сæ æрмæст дæр фæрраст кæнидæ, уотемæй кæрæдзей дзуаппитæ æнхæст кодтонцæ, сæ кæрæдзей рæдудтитæ рараст кæниуонцæ уайтагъд.
Еу загъдæй байархайдтонцæ 6 къласи ахурдзаутæ сæ ирон æвзаг æма литератури ахургæнæг Годзойти Анжели хæццæ, цæмæй иннæ ахургæнгутæ сæхецæн райсонцæ аци уроккæй куд фулдæр пайдадзийнæдтæ сæ идарддæри кустæн. Урокки кæрон хатдзæгтæ конд æрцудæй. Сæ гъудитæ загътонцæ иуазгутæ. Кæронбæттæн ба ин искодта Дзабайти Аллæ, кæци устур аргъ искодта семинарæн, раарфæ кодта ка æрæмбурд æй, еци ахургæнгутæн дæр, Сурх - Дигори астæуккаг скъолай косгутæн дæр, уæлдайдæр ба ке фæрци арæзт æрцудæй, уонæн.
Уомæй рахезгæй ма ахургæнгутæ берæ фæддзурдтонцæ сæ кусти фæдбæл. Алкедæр си цидæр нæуæг гъуддагæй дех кодта. Аллæ, куд методикон еугонди сæргълæууæг, хатдзæгтæ искодта ахури анзæн, райони ирон æвзаг æма литератури ахургæнгутæн æма сæ ахурдзаутæн сæ къохти ци æнтæстдзийнæдтæ бафтудæй, ци конкурстæ æма олимпиадити архайдтонцæ, уони фæстеугутæбæл. Равзурстонцæ бæстон 4, 5 æма 6 къласти ци диагностикон куст арæзт æрцудæй, уой хатдзæгтæ, рæдудтитæ æма гъæндзийнæдтæ. Исбæлвурд кодтонцæ, нæуæг 2026 – 2027 ахури анзи цæмæ фулдæр гъæудзæй æргом æздахун, еци фарстатæ.
Фæндуй нæ, цæмæй ауæхæн семинартæ æма игон уроктæ арæхдæр арæзт цæуонцæ районти скъолати.
День Победы – праздник, который в России отмечают с особым трепетом. В каждом городе и селе готовятся к торжествам: приводят в порядок памятники, братские могилы, обелиски. В Ирафском районе эта традиция живёт много лет
5 мая 2026 года председатель совета ветеранов Отделения МВД России по Ирафскому району Г.Т. Тегаев и представитель совета ветеранов С.П. Дигоев организовали выезд к подшефному памятнику. К ним присоединились сотрудники ОМВД: майор полиции В. Гуцунаев, полицейские К. Баликоев, И. Хортиев и Р. Царикаев. Совместными усилиями они покрасили ограждение и убрали территорию вокруг мемориала.
Памятник в Чиколе посвящён погибшим воинам 295-й стрелковой дивизии 37-й советской армии. Это подразделение воевало на разных фронтах, и его бойцы внесли вклад в освобождение страны от фашизма.
Такие акции – не просто уборка. Это дань уважения павшим, возможность для нынешнего поколения почувствовать связь времён. Важно, чтобы каждый памятник выглядел достойно. В Ирафском районе эта работа была проведена на всех воинских захоронениях и мемориалах.
Нæ фиддæлти хæзнатæй нæмæ хъазардæрæн ци байзадæй, йе æй не взаг. Йе æй нæ ковæндонæ, нæ уод, нæ исони бон, нæ царди уагæ æвдесæг, нæ развæндаг амонæг.
Маддæлон æвзагбæл сæ дессаги ай йев, арф гъудигун, гениалон æмдзæвгитæ финстонцæ нæ дигорон æма ирон æвзаги бундорæвæргутæ Хетæгкати Къоста æма Малити Георгий. Æ цард цæрæнбонти авзагзонунади æртасæн куст фæккодта Абайти Васо. Не взагбæл арæзт æрцудæй дессаги зæрдæмæдзæугæ кенонивтæ, æвæрд æрцудæй æма цæуй спектакльтæ, драмитæ, комедитæ, зарæг гæнгутæ зарунцæ сæ хуæздæр зартæ. Кæмæ ес мах хузæн героикон æма лирикон зартæ, кæцитæй арви бæрзæндтæмæ истæхуй, æнæкæрон денгизи ленк кæнун фæййагайуй адæймаги зæрдæ. Абони дæр нæмæ ес устур курдиадæй хайгин кай, уæхæн финсгутæ. Ма куд æхцæуæн фæууй зæрдæн, маддæлон æвзагбæл рæсугъд, дæсни дзорæгмæ игъосун. Уæлдай арфдæр ниххезуй уæд зæрдæмæ сæ исфæлдистадæ.
Æндæр адæмти æвзæгтæ зонун, æнæмæнгæ, хуарз æй. Уомæн æма адæймаг цал æвзаги зона, уал лæги æй. Фал фиццаги дæр ба ни алкедæр гъуама зона æхе æвзаг æма ин аккаг аргъ кæна. Раздæрти æ маддæлон æвзагбæл кæдзос ка нæ дзурдта, уонæбæл ходгæ кодтонцæ, худтонцæ сæ "уæрæсе дзаутæ". Фал, гъулæггагæн, нуртæккæ беретæмæ ходуйнаг кæсун райдæдта маддæлон æвзагбæл дзорун. Кæсунцæ имæ "гъæддаг адæймаги" цæстæй - нæ ин лæдæрунцæ æ ахадундзийнадæ, нæ сæмæ гъаруй, æ маддæлон æвзаг ка нæ зонуй, йе æнхæст адæймаг ке нæй, æ йедæгтæ исæфт ке уодзæнцæ, йе. Дессаг ба йе æй, ма берæ ниййергутæ сæ сувæллæнттæмæ уруссагау дзорунцæ, сæхуæдæг кæдзос дзорун нæ зонгæй.
Маддæлон æвзаги рæвдауæн гъæ лæс, дзилли намус, фæрнгин æгъдæуттæ адтæнцæ æма абони дæр æнцæ нæ разагъди фиддæлти устурдæр хæзнатæ... Нæ адæми нæрæмон фиддæлтæ скифтæ, алантæ рацудæнцæ зин æма дæргъвæтин царди фæндæгтæбæл, æма йе æй сæ царди истори. Еци зин фæндæгтæбæл цæугæй, нæ фесафтонцæ се взаг, се гъдæуттæ, сæ традицитæ. Æвзаг кæрæдзебæл бæттуй евгъуд рæстæг, абони бон æма федæн. Мах кæд нæхе нацибæл нима йæн, уæд гъæуама зонæн не взаг æма ибæл рæсугъд дзорæн. Е взаг ка нæ зонуй, е куд загътан, уотæ, нæдæр æ адæми культурæ зонуй, нæдæр æ адæми традицитæ.
Фæндуй мæ, цæмæй Малити Геуæрги æма Хетæгкати Къоста сæ уадзимистæ æма æмдзæвгитæ ци æвзагбæл финстонцæ, кæцитæ иссæнцæ æгас дуйнебæл зундгонд, еци æвзаг цæра æности. Маддæлтæ сæ сувæллæнттæн авдæни зартæ заронцæ нæхе æвзагбæл, фиддæлтæ сæ сахъ игурдти ахур кæнонцæ ирон намус æма æхсарæ бæрзонд хæссунбæл.
15 маййи нæ республики адæм фæббæрæг кæнунцæ ирон æвзаг æма литератури бæрæгбон. Устур кади аккаг æй еци бон. Æма уобæл ка хъиамæт кæнуй, ирæзгæ фæлтæртæ се взаг цæмæй ма иронх кæнонцæ, маддæлон æвзаг царди федар кæнунбæл сæ зонундзийнæдтæ æма хъауритæ не вгъау кæнгæй ка архайуй, уонæн зæрдиуагæй арфæ кæнæн.
Цæрæ æности, маддæлон æвзаг! Игъу сæд алкæддæр ирон дзурд Иристони!