Сослан Казбекович родился в с. Чикола 12 января 1993 года. Был активным и смышленым ребенком. Учился в Чиколинской средней школе №3, которую окончил на отлично и где его учителя запомнили, как не по годам сообразительного, внимательного и целеустремленного ученика. После окончания школы Сослан поступил в Московскую Государственную юридическую академию, которую в 2015 году окончил с отличием, получив профессию юриста. С 2015 по 2019 годы работал в коммерческих организациях, где курировал инвестиционные проекты совместно с правительством г. Москвы.

В 2019 году Сослан Казбекович, как перспективный молодой человек, был назначен генеральным директором ООО «Байкал» и не подвел оказанного ему доверия. Он грамотный руководитель, который находит эффективные пути решения проблем, точно знает, какими качествами необходимо обладать человеку, чтобы успешно продвигаться в бизнесе. Сослан Казбекович мыслит широко и разносторонне, он активный общественный деятель, меценат, участвует в жизни республики, поддерживает социальные проекты, много делает для людей. Он известен не только как руководитель крупной компании, но и как меценат и благотворитель.  В 2021 году во время пандемии организовал на собственные средства раздачу продуктовых наборов нуждающимся жителям родного Ирафского района. В 2023 году направил продуктовые наборы всем семьям участников Специальной военной операции в Ирафском районе. В том же году совместно с правительством Ставропольского края организовал отправку гуманитарной помощи в зону СВО, где лично передал в помощь военнослужащим РФ более 30 тонн продовольственных товаров и обмундирования. В 2024 году на личные средства закрыл сбор для нужд СВО в Ирафском районе. В том же году направил совместно с администрацией Предгорного округа Ставропольского края более 20 единиц системы РЭБ в зону СВО. 

В 2025 году направил более 1.300 тонн продовольствия и 5 единиц электрогенераторов в полк им. Исса Плиева. В том же году закупил во все кладбища с. Чиколы необходимый инвентарь для расчистки территорий и ухода за могилами.

Всего, с начала Специальной военной операции, направил финансовую помощь участникам СВО и их семьям более 7 миллионов рублей. 

В родном районе периодически оказывает финансовую помощь в организации праздников и общественных акций. При этом он старается не афишировать добрые дела.       Жизненное кредо Сослана Казбековича определяет его человечность, добропорядочность. В разговоре с ним удивляешься тому, какие не по годам мудрые взгляды на жизнь могут быть у молодого человека.

Основная черта героя моей статьи – умение добиваться результата, большая требовательность, прежде всего, к себе и уже потом к окружающим. Это нелегко – быть лидером в отрасли, постоянно развиваться, расти, находить и реализовывать новые идеи. Это большая ответственность перед собой, республикой, страной, перед людьми, с которыми делаешь общее дело. Здесь важно постоянно учиться новому и быть в диалоге с окружающими.

Труд предпринимателя Сослана Токаева, его общественная и волонтерская деятельность были неоднократно отмечены на республиканском, федеральном и государственном уровнях: Грамота правительства Москвы в реализации лучшего реализованного проекта в области строительства; Грамота главы Предгорного округа Ставропольского края «За активную помощь в Специальной военной операции»; Благодарность от координационного Центра Мусульман Северного Кавказа за безвозмездное предоставление помещения для религиозных нужд; Грамота Главы Республики Северная Осетия – Алания «За значимый вклад в укрепление социально-экономического потенциала республики».

Считаю, что Сослан Казбекович Токаев — лицо современного бизнеса, такое, каким оно должно быть. Честный, совестливый, работящий человек, с которым можно иметь дело. Все время находится в поиске, благодаря усилию трудовых и умственных способностей, не останавливаясь на достигнутом.

Не только как предприниматель и меценат, но и как человек, Сослан Токаев порядочный по своей натуре, простой в общении человек, который не ставит свои интересы выше интересов окружающих его людей. В своих суждениях предельно откровенен. С людьми – деликатен. К себе и своим поступкам – критичен. У него огромный круг друзей не только в районе и республике, но и далеко за пределами и двери его дома гостеприимно распахнуты для них всегда. Он интересный собеседник с широким кругозором. Друзья ценят его за преданность, верность данному слову. 

Я искренне желаю Сослану Токаеву не растерять присущей ему душевной гармонии и на долгие годы сохранить позитивное отношение к жизни. Пусть все планы и проекты реализуются, а все мечты сбудутся!

Э. Бабочиева

Гадзирахаттæй нæмæ ци фудголтæ æрбалæбурдтонцæ, уони æгъатирæй, сæхе цардбæл дæр нæ ауæрдгæй, ка дæрæн кодта, еци бæгъатæртæ уой аккаг æнцæ, цæмæй син сæ рохс нæмттæ ма иронх кæнæн, кадæ син кæнæн, сæ тугъдон архайди хабæрттæ дзиллитæ гъæуама фæлтæрæй-фæлтæрмæ зононцæ. Мах дæр абони фæндуй тугъдонти хабар ракæнун. 

Тохи гъæрмæ се `мгъæуккаг фæдесонти хæццæ еу адæймаги хузæн фæннæхстæр æнцæ тугъди будурмæ Æлбегти Мухай фурттæ дæр.

    

Хестæр æнсувæр Агубекирæн адтæй тумугъ бийнонтæ, уотемæй рандæй фронтмæ. Кæд бæлвурд дæсниадæбæл ахургонддзийнадæ нæ райста, уæддæр æ уодигъæдæмæ гæсгæ ба берæ ацъагъуитæй хайгин адтæй – куд фæззæгъунцæ, лæгдзийнадæй æнхæст адтæй, царди медæгæ берæ гъæугæ гъуддæгутæмæ арæхстæй. Хумæтæги нæ адтæй е дæр, æма тугъди туфули дæр æхе бавдиста дæсни æма бæгъатæр æфсæддонæй. Æ тугъдон фæндæгтæ адтæнцæ даргъ æма зин. Фал сӕбӕл цудӕй ӕдӕрсгӕй, федарӕй. Ӕхе ӕвдиста бӕгъатӕр хӕстонӕй. Еудадзуг æ зæрдæбæл дардта æ тугъ дон артбахуæрд æма æй æнхæст кодта райгурæн бæсти хъæболæн куд æмбæлуй, уотæ. 

           

Берæ рауæнти ин тохгæ рауадæй знаги нихмæ, берæ дессæгутæ бадардта æ зæрдæбæл, фал нæ уарзта тугъдон хабæрттæ кæнун, уомæ гæсгæ сæ æ кæстæртæ абони æнхæстæй нæ зонунцæ. Зонунцæ бæлвурдæй уой, æма архайдта Сталингради тугъди райдайæнæй кæронмæ 240-аг æхсæн полки рæнгъити. Сталингради ци карз тох цудæй, е историй байзадæй куд тугъдæн æ æверхъаудæр рæстæгутæй еу. Уоми Агубекир уæззау цæф фæцæй. Хустæй госпитæли. Фат æ астæуистæги фарсмæ бацудæй. Рандæ кæнунæн ин неци мадзал адтæй, æма `й куд тугъди æвдесæн, уотæ æ цæргæ бæнтти фæххаста æ хæццæ.

Кæд тугъди хабæртти кой кæнун нæ уарзта, уæлдай зæрди нез ин адтæнцæ, уæддæр еу хабар ба ракодта æ бийнонтæн. Адтæй уæхæн рæстæг æма немуцаг фашисттити батальон æма Агубекир кæми тухтæй, еци советтон салдæтти батальон нихæй – нихмæ фæййеу æнцæ. Нæхеонтæ адтæнцæ уазал дони хурфи, ма син уордигæй рацæуни фадуат надтæй. Куддæр сæ сæр исдардтайонцæ, уотæ сæ немуц ниццагътайонцæ. Ма уæд сæ къæмæндир æхе туфули багæлста. Уомæ ку фæцæнцæ немуцæгтæ, уæд сæ сурхæфсæддонтæ ба иннердигæй ниддæрæн кодтонцæ. Фал уазал дони берæ рæстæг ке фæцæнцæ, уомæ гæсгæ Агубекирæн æвæрд æрцудæй диагноз «туберкулез лимфатических узлов», ма уомæй дæр гъезæмарæ кодта.

Æ цуппар анзей тугъдон хъиамæтти рæстæги лæгдзийнадæ ке бавдиста, уой туххæй Агубекирæн лæвæрд æрцудæй берæ хуæрзеугутæ. Фронтæй исæздахтæй æрдæгуалитæй, дуккаг къæпхæни инвалидæй, æ реубæл æрттивтонцæ ордентæ æма майдантæ. Уой фæсте ма ин лæвæрд æрцудæй юбилеййон майдантæ цалдæр. Рæстзæрдæй фæллойнæ кодта Лескени совхози. Кадгин, ездон лӕгӕй, ӕгъдаугин бийнонти фидӕй ӕй зудтонцӕ адӕм. Аргъ ин кодтонцӕ ӕ хуӕрзуод ӕма кустуарзондзийнадӕн йе ʹмкосгутӕ. Агубекир гъæздуг адтæй кæстæртæй дæр – дууæ фурти æма цуппар кизги исгъомбæл кодта, раст надбæл сæ æривардта, царди тонхи сæ рауагъта.

1985 анзи мартъий мæйи 11-аг бон Агубекири иссердта æ радон тугъдон хуæрзеуæг – Фидибæсти тугъди дуккаг къæпхæни орден. Уал анзей дæргъи имæ даргъ нæдтæбæл фæццудæй æ лæгдзийнади æвдесæн. 

Æлбегти иннæ æнсувæр, Мæхæмæт, тугъди размæ райста уæлдæр ахургонддзийнадæ. Фæцæй каст юридикон институт. Нæ ин бантæстæй бийнонтæ искæнун, уотемæй рандæй тугъдмæ, фесавдæй æбæрæгæй.

Самсæдин дæр æстæсанздзудæй багæлста æхе тугъдон артмæ. Бæргæ æнтæстгинæй цагъта тогцъир фæшистти, тох кодта бæгъатæрæй, фал 1944 анзи июли 16 - аг бони карз тохи размæ æмпурсгæй, уой дæр исæргъавта знаги нæмуг æма фæммардæй. Иристони сахъигурд æ тог никкалдта Белорусий зæнхæбæл. Нигæд дæр æй уоми Æнсувæрон ингæни. Йе `ригон цард нивондæн æрхаста сæребари сæрвæлтау.

Уогæ, цард æй хорискаст æма хорнигулд. Æвæдзи дессаг дæр уомæн æй, бафсæдæн си уомæн нæййес. Цал æма цал æригон уоди, æфсæдгæ нæ, фал нæ бавзурстонцæ æцæг царди адæ, хе сабийтæбæл цийнæ кæнуни æхцæуæндзийнадæ. Берæ, хъæбæр берæ цардгъæуагæ адæм – нæлгоймæгтæ, силгоймæгтæ, сувæллæнттæ. Фал иннетæ райстонцæ фудголæй сæ маст, е æрцудæй кæронмæ саст. 

Зин сахатти сæхе некæд бафæсвæд кодтонцæ Æлбегти æнсувæртæ, адæми хуæздæртæ кæми адтæнцæ, уоми етæ дæр уиуонцæ. Карз тохи рæстæг дæр уотæ.      

Тугъди топпи цъухмæ ка кастæй, уазал акъоппити ка бадтæй, карз тох ка кодта цард æма мæлæти астæу, уони æхсæн адтæй Лухъман дæр. Фиццаг бонæй фæстæмæ ниллæудтæй турæй - турмæ знаги нихмæ. Зæрдæ фурзинæй æндæмæ тудта реугудур, уомæн æма райдайæни фашисттæ тухгиндæр адтæнцæ. Хе зæнхæбæл фæстæмæ цæун зин адтæй, фал тогцъиртæн сæ къембуртæ ахид мæлæтдзаг цæф никкæниуонцæ æма уæд нифс иуæнгти бацæуидæ. Берæ паддзахадон хуæрзеугутæ исæрттивтонцæ Лухъмани реубæл тугъди æнзти. Сæ еугурей нæ нимайдзинан, фал æхецæн тæккæ хъазардæр адтæй «Фидибæсти тугъди дуккаг къæпхæни орден». Æфсади рæнгъитæй ку исуæгъдæ ’й, уæд æрбундор кодта Краснодари краййи. Æ цард æма фæллойни æнзтæ уоми райевгъудæнцæ, æ мард дæр уоми нигæд æрцудæй. Бæргæ адтæй лæгдæрти рæнгъити, фал æй царди нивæ ба нæ фæцæй - æ фæсте цæуæт нæ байзадæй.

Иннæ сахъигурд, Осмæн, тугъди агъоммæ фæцæй каст æфсæддон училище æма фронтмæ рандæй афицер уогæй – лейтенанти цини. Иристони фурттæ фæстаг некæд некæми изадæнцæ. Еу хаттæй иннæ хаттмæ Осмæни бæгъатæрдзийнади кой хъæ бæрдæр райгъусидæ. Хуæрзеугути нимæдзи хæццæ уæлдæр хизтæй куд афицер, уотæ. Тæссагдæр рауæнтæмæ томар кодта, устур нифс лæвардта е `фсæддонтæн. Лæдæрдтæй сæ аллихузи дæр æма ин кодтонцæ устур кадæ.

Тугъдон нæдтæ, кумæти ба нæ фæррагæлдзæ-багæлдзæ кодтонцæ Осмæни. Зæрди уедæгтæ æскъу дæнцæ фурмæстæй е ’нсувæрти фæммарди фæдбæл. Нигги æнауæрдондæрæй дæрæн кодта знаги. Æхуæдæг дæр къуар хатти фæццæф æй. Фал нæуæгæй æрлæууидæ æфсади рæнгъити. Æмпурста размæ Берлинмæ, е `нсувæрти маст иста. Фал тугъд тугъд æй. 1944 анзи Украини зæнхитæ знагæй уæгъдæ кæнгæй, еу карз тохи æ къох уæззау цæф фæцæй. Рауадæй лухгæнгæ. Фал бæгъатæр, дæсни афицер майор Æлбегти Осмæн, кæд иссæй фиццаг къæпхæни инвалид, уæддæр æй ниууагътонцæ æфсади рæнгъити. Æ лæгдзийнадæмæ гæсгæ ин байхæс кодтонцæ Хорнигулæн Украи ни бандеровонти нихмæ тох кæнун. Æнтæстгинæй разамунд лæвардта къуар анзей дæргъи æ бæрнæхсти ци æфсæддон хай адтай, уомæн. Ниггидæр ма бафтудæй æ тугъдон хуæрзеугутæбæл.

Ами иссердта æ цардæмбали, исгъомбæл кодтонцæ дууæ фурти. Æфсæддони ихæстæй исуæгъдæ уни фæсте куста бæрнон бунæтти. Куд тугъдон лæг, афицер, уотæ архайдта фæсевæди патриотикон гъомбæлади гъуддæгути. Æхе некæд еуварс кодта адæмæй, æ уод, æ цæстæ ескæмæн хуарз ракæнун. Сахар Белореченски раевгъудæнцæ æ фæстаг æнзтæ. Йе `носон бунат уоми иссердта.

Уæздан, æгъдаугин лæг адтæй Албегти Муха. Æ фурттæ дæр уотæ. Лæгигъæдгун, нифсхаст, гъæддух, æгадæ гъуддаг сæ сæрмæ ка некæд æрхаста, уæхæнттæ. Исæнхæст кодтонцæ Фидибæсти размæ се ʼхæс, æхе си неке бафæсвæд кодта. Райгурæн бæсти кадгин хъæболтæ – зæгъæн ес аци æнсувæртæй.

Гъулæггагæн, анзæй анзмæ мин къийдæр кæнгæ цæуй нæ уæлахез æрхæссæг ветеранти нимæдзæ. Байзадæй ма си еугæйттæ, ма син гъæуамæ устур кадæ, устур аргъ кæнæн нæ еугурдæр.  Иристон гъæуама сæрустур уа аци æхсаргин адæмæй, уомæн æма етæ еузæрдионæй багъæуай кодтонцæ райгурæн зæнхæ, сæ реуи æмбæрцæ цудæнцæ знаги нихмæ тохи, æма сæ бæгъатæрдзийнадæй устур кадæ искодтонцæ нæ Фидибæстæн. 

Бабочити Э.

 

Еу изæр хъаз æ дууæ цъеуей  хæццæ дони билæй æрбацудæй. Уалдæнмæ дин æрлæудтæй,  исиста зæнхæй мæнæуи гага æма фæрсуй æ цъеути:

- Уæ кæцимæн æй раттон? Сумах дууæ, нæмуг ба - еу?

- Мæнæн æй раттæ! Æз тухгиндæр цъеу дæн æма дин тагъддæр райрæздзæнæн! - загъта нард цъеу.

- Ду ба ци зæгъис? - бафарста мадæ йе´ нæхъаурæ цъеуи.

- Дæхуæдæг æй рахуæрæ æма нин фулдæр фæццæрай, - загъта минкъийдæр цъеу.

- Хæлар дин уæд, мæ ездон бæдолæ, - исдзурдта мадæ, æма нæмуг æнæхъаурæдæр цъеуи 

гъæлæси ратъунста.

 

Берæгъ 

æма дзæгъарæг

Берæгъ дзæгъарæги æрахæста æма æй хуæрун фæндæ искодта. Уæд имæ дзæгъарæг дзоруй:

- Берæгъ, æгъдау бакæнæ, æгъдау!

-Цæхуæн æгъдау? - бафарста æй берæгъ.

- Уæ фиддæлтæ махæй еске ку хуардтонцæ, - загъта дзæгъарæг, - уæд бал си фиццаг хуарз фæгъгъазиуонцæ. Æртæ хатти æй уæлвæндагмæ исгæлдзиуонцæ, æртæ хатти ба дæлвæндагмæ.

Берæгъ дзæгъарæги зуввуттитæ кæнун райдæдта. 

Дзæгъарæг еу хатт æ хæдзари цъасæмæ хæстæг æрхаудтæй æма си исмедæг æй.

Берæгъ хæлеу гъæлæсæй байзадæй. Бацæттæ кодта 

 

Бабочити Этери

Архайдтонцæ си райдайæн кълæсти ахурдзаутæ, 8 – 9-аг кълæсти ахурдзаутæ, ахургæнгутæ, скъолай хуæрæндони косгутæ æма сувæллæнтти бабатæ æма нанатæ, кæцитæ еци тогуарæн тугъди хабæрттæ хуæздæр зонунцæ. 

Аци бæрæгбон бацæттæ кæнун æма исаразун æрæфтудæй скъолай ци уæлæмхасæн ахуради Центр косуй «Точка роста», зæгъгæ, уой ахургæнæг Фезиляти Светланæ Маирбеги кизгæ 8-9-аг кълæсти ахурдзаути хæццæ.

Сувæллæнттæ дзурдтонцæ æмдзæвгитæ тугъд æма уæлахезбæл, разардтонцæ патриотикон зартæ. Хестæр кълæсти ахурдзаутæ син радзурдтонцæ, скъола ке ном хæссуй, еци Фидибæсти Устур тугъди бæгъатæр Махъоти Алихани цард æма тугъдон фæндæгтæбæл. Сувæллæнттæ ма базудтонцæ, ци скъолай ахур кæнунцæ, уой историкон фæндаг тугъди рæстæги куд адтæй, ци берæ гъуддæгтæн æвдесæн æнцæ æ фæрстæ æма ин абони уæхæн кадæ цæмæ ес, уой туххæй.

Хестæр фæлтæри минæвæрттæ радзурдтонцæ ахурдзаутæн тугъд куд цудæй нæ      гъæуи, ци устур хъазауатдзийнадæ равдистонцæ знаги нихмæ æрмæст тугъди ка адтæй етæ нæ, фал фæсфронт дæр. Алли цæрæг дæр æ хъаурæ куд адтæй, арæхдæр ба куд на `дтæй, уотæ устурæй, сувæллонæй куд агъаз кодта тугъдонтæн. 

Аци скъолай ахургæнгутæй дæр беретæ рандæй фашистон лæгмартæ дæрæн кæнунмæ æма сæ нæ бæстæй фæссорунмæ. Абони си, зæгъун нæ бон æй, æгас некебал ес, фал син æносмæ кадæ кæнæн æма æносмæ æнцæ нæ зæрдити. Уомæн æвдесæн æй скъолай тургъи син ци циртдзæвæн æвæрд æрцудæй сæ нæмтти хæццæ, е. Уоци циртдзæвæни размæ сувæллæнттæ ниввардтонцæ деденгути бæститæ, сæ сæртæй син ниллæг ракувдтонцæ æма сæркъолæй балæудтæнцæ Сабурдзийнади минутти.

Бæрæгбони кæрони ба æгас архайгутæн дæр сæ бон адтæй будурон цæлгæнæн ке фæххонунцæ, уоми æфсæддон касæ бахуæрун æма цай бацумун, цæмæй арфдæр банкъаронцæ ци мадзал арæзт æрцудæй, уой фæстеугутæ.

Гъулæггагæн, анзæй анзмæ республики минкъийдæр кæнгæ цæуй нæ уæлахез æрхæссæг ветеранти нимæдзæ. Байзадæй ма си еугæйттæ, ма син гъæуамæ устур кадæ, устур аргъ кæнæн нæ еугурдæр. Ирæзгæ фæлтæр гъæуама зона æма сæрустур уа еци æхсаргин адæмæй, кæцитæ еузæрдионæй багъæуай кодтонцæ райгурæн зæнхæ, сæ реуи æмбæрцæ цудæнцæ знаги нихмæ тохи, æма сæ бæгъатæрдзийнадæй устур кадæ искодтонцæ нæ Фидибæстæн. Ауæхæн равдиститæ æма бæрæгбæнттæ ба æнцæ уомæн агъаз.

Бабочити Э.